Maryja Alochina, źleva, udzielnica Pussy Riot, i Kirył Mašeka ŭ śpiektakli «Svabodnaha teatra» «Burning Doors». Fota: Sara Krulwich, The New York Times.
Hučnaj navinoj padzialiŭsia ŭ svaim fejsbuku mastacki kiraŭnik «Svabodnaha teatra» Mikałaj Chalezin:
«The New York Times padvodzić vyniki hoda na svaich staronkach u hetyja dni. Siońnia abjaŭlena dziasiatka najlepšych śpiektaklaŭ hoda, jakija prajšli na viadučych scenach Ńju-Jorka. I siarod ich — śpiektakl «Svabodnaha teatra» Burning Doors.
U dziasiatku ŭvajšli tolki dva śpiektakli, jakija stvorany ŭ inšych krainach: akramia Burning Doors, śpiektakl bierlinskaha teatra Šaŭbiune «Ryčard III» u pastanoŭcy Tomasa Astermajera.
Vinšuju ŭvieś skład «Svabodnaha teatra» — heta zasłužana i sumlenna, asabliva pa vyniku takoha składanaha hoda, jak ciapierašni!»