7 studzienia Źmicier Vajciuškievič i WZ-Orkiestra daduć u Minsku śviatočny kancert z prahramaj «Na Kalady». Muzyka zaprašaje ŭsich prychodzić siemjami.
— Raniej my rabili taki kancert štohod, i zaraz vielmi chaciełasia b viarnuć hetuju tradycyju, — kaža Źmicier Vajciuškievič. — Buduć najlepšyja pieśni, a taksama śviatočnyja i navat dziciačyja. Budzie najlepšy śviatočny nastroj navat dla tych, kaho jon da hetaha abminie. Płanuju być na kancercie razam sa svajoj siamjoj, zaprašaju i vas prychodzić razam ź dzietkami, — kaža Źmicier Vajciuškievič.
Nazvu prahramie dała pieśnia na słovy Uładzimira Niaklajeva, animacyjny klip na jakuju za dva hady sabraŭ bolš za 40 tysiač prahladaŭ na YouTube. U listapadzie 2017 jana prahučała ŭ jakaści akustyčnaha bisa na anšłahavym jubilejnym kancercie Vajciuškieviča «25 hadoŭ na scenie» ŭ KZ «Minsk» — tady jaje śpiavała ŭsia zała.
7 studzienia, Pałac kultury imia Šarko (Minsk, vuł. Uralskaja, 3) — 19:00
Kvitki: ad 23 rubloŭ
Prodaž: u sistemie Kvitki.by, u sałonach «Jevrosieť» i «Śviaznoj»
Infalinija: (033) 661 14 32