Žury konkursu «Za žurnalistyku jak učynak» uznaharodziła ordenam imia Andreja Sacharava «Za mužnaść» žurnalistaŭ šaści krain, paviedamlaje Chartyja-97.
Uznaharodžanyja žurnalisty z Rasiei, Ukrainy, Biełarusi, Kazachstana, Uźbiekistana i Azierbajdžana, jakija zaznali pieraśled z boku ŭładaŭ za ich hramadzianskuju pazicyju.
U liku ŭznaharodžanych — ahladalnicy rasiejskaj «Novaj haziety» Volha Ramanava i Julija Łatynina, a taksama ŭłasnaja karespandentka vydańnia ŭ Biełarusi i aŭtarka Charter97.org Iryna Chalip.
Iryna Chalip
Ordenam «Za mužnaść» taksama ŭznaharodžany Aleh Kašyn, Alaksiej Kunhuraŭ, Aleh Siancoŭ, Barys Stamachin, Vadzim Ciumiencaŭ, Alaksandr Sakałoŭ, Darja Paludava dy inšyja.
Prysudžanaja paśmiarotna hetaja ŭznaharoda piaciarym zabitym supracoŭnikam «Novaj haziety» — Hańnie Palitkoŭskaj, Juryju Ščekačychinu, Iharu Domnikavu, Natalli Estemiravaj, Anastasii Baburavaj.
Premija imia Andreja Sacharava «Za žurnalistyku jak učynak» prysudžajecca žurnalistam za materyjały, jakija stanoviacca praciaham žyćciovaj pazicyi aŭtaraŭ, paśladoŭnaha vykanańnia pracy na vysokim prafiesijnym uzroŭni, i abaronu tych kaštoŭnaściaŭ, jakija baraniŭ Andrej Sacharaŭ.
Zasnavalnik premii — pravaabaronca i pradprymalnik Piotr (Picier) Vins. Niaźmienny staršynia žury — Alaksiej Simanaŭ. U žury ŭvachodziać viadomyja žurnalisty, pravaabaroncy, sacyjołahi Rasiei, šerah zamiežnych žurnalistaŭ (Ispanija, Aŭstryja, ZŠA).
