Karespandent telekanała «Biełaruś-1» Andrej Kazłoŭ apublikavaŭ na svajoj staroncy ŭ instahramie zdymak z rasijskim ściažkom. Razam z Kazłovym jaho trymaje viadučy pieradač «Dzień sporta» i «Arena» Stas Lipski.
dopis u instahramie nieŭzabavie byŭ vydaleny.
«Stas Lipski źjaviŭsia na śviet u Maskvie, Andrej Kazłoŭ — u Leninhradzie. Kali heta havoryć nie pra ŭsio, to pra mnohaje. Najbližejšyja Hulni ŭ Paŭdniovaj Karei buduć nie paŭnavartasnymi, ale my budziem pieražyvać za rasijskich spartsmienaŭ u luboj jakaści», — napisaŭ Kazłoŭ.
«Tych, chto padtrymaje našych uschodnich susiedziaŭ tolki ŭ maim śpisie — dobraja sotnia… Ale, upeŭnieny, lik pojdzie na tysiačy, ci praŭda, siabry?!» — adkamientavaŭ jaho Lipski.
Andrej Kazłoŭ — reparcior «Biełaruś-1», robić siužety na spartovuju tematyku. Stas Lipski hadavaŭsia ŭ Rosi i Žłobinie, da BT pracavaŭ na Biełaruskim mietałurhičnym zavodzie valcoŭščykam stana haračaj prakatki 320.
***
Na telehram-kanał «Našaj Nivy» možna padpisacca tut.
