Dastaŭka lekaŭ pad skuru ŭ pryładzie ažyćciaŭlajecca za košt stvareńnia vielmi tonkaha strumieńčyka miedykamientu pad vysokim ciskam. Šyrynia patoku vielmi małaja, tamu momant upyrskvańnia praktyčna niezaŭvažny dla pacyjenta. Praces adbyvajecca vielmi chutka i nie vyklikaje bolu, tamu asabliva karysnym taki «elektronny špryc» budzie dla lekavańnia dziaciej.
Pradavacca pryłada budzie pad nazvaj PRIME, a pieršyja leki, jakija buduć vykarystoŭvać sumiesna z hadžetam, stvoranyja dla lačeńnia jazvavaha kalitu.
Doza ź injekcyjaj źmiaščajecca ŭ śpiecyjalny reziervuar ź mikraskapičnaj adtulinaj, praź jakuju mahutny elektramahnitny miechanizm vyšturchvaje leki ź vielizarnaj chutkaściu, jakaja dasiahaje 200 mietraŭ za siekundu.