Mike Segar MS / JDP / Reuters
Oksfardski słoŭnik abviaściŭ youthquake słovam hoda. Hety termin aznačaje kulturnyja, palityčnyja ci sacyjalnyja źmieny, vyklikanyja ŭpłyvam maładoha pakaleńnia, havorycca na sajcie vydaviectva Oxford University Press.
Adznačajecca, što youthquake było abrana słovam hoda, tak jak u 2017-m jaho vykarystoŭvali ŭ piać razoŭ čaściej u paraŭnańni z 2016-m. Upieršyniu słova było vykarystana ŭ 1965 hodzie hałoŭnym redaktaram Vogue Dyjanaj Uryłand.
Taksama na zvańnie słova hoda pretendavali Antifa (antyfašyscki ruch), Broflake (kansiervatar, moža abražać sučasnyja pohlady na žyćcio), Gorpcore (styl, jaki ŭklučaje ŭ siabie śpiecadzieńnie dla aktyŭnaha adpačynku), Kompromat, Newsjacking (situacyjny markietynh), White fragility (dyskamfort, jaki adčuvaje bieły čałaviek, pry sutyknieńni z navinami ab sacyjalnaj niaroŭnaści), i miem Milkshake Duck (fienomien, kali pavažany čałaviek hublaje svaje pryvilei z-za niehatyŭnaj situacyi, jakuju jon pieražyŭ u minułym).
U 2016-m słovam hoda stała «postpraŭda».
