5. Xbox One X (1199 BYN)
Pa słovach raspracoŭščykaŭ, jakija nieadnarazova paćvierdžvalisia na praktycy, Xbox One X — samaja mahutnaja hulniavaja prystaŭka ŭ śviecie.
Hałoŭny kankurent hetaj kansoli, Sony PlayStation 4 Pro, kaštuje našmat tańniej — ad 799 novych biełaruskich rubloŭ.
4. Samsung Galaxy S8 (1250 BYN)
Hałoŭny kankurent Apple, kampanija Samsung, u pačatku hoda vypuściła svoj čarhovy fłahmanski smartfon, jaki adrazu staŭ vielmi papularnym i ŭ Biełarusi. Dziakujučy ŭnikalnamu krychu zahnutamu pa bakach ekranu, jaki maje jašče i vydatnuju jakaść vyjavy, pryłada vyjšła ŭ top samych pradavanych smartfonaŭ premium-siehmienta, značna paciaśniŭšy iPhone.
3. Nintendo Switch (680 BYN)
Heta hibrydnaja hulniavaja prystaŭka, raspracavanaja kampanijaj Nintendo jak chatniaja kansol. Asnoŭny błok ustaŭleny ŭ dok-stancyju dla padłučeńnia da televizara, ale moža być prybrany z dok-stancyi i vykarystany anałahična płanšetnym kampjutaram praz sensarny dysplej. Asnoŭny błok taksama moža być ŭstalavany ŭ aŭtanomnym nastolnym režymie, dziakujučy jakomu moža hulać niekalki čałaviek adnačasova.
2. iPhone X (2720 BYN)
Najbolš darahi devajs z rejtynhu byŭ pradstaŭleny kampanijaj Apple u vieraśni 2017 hoda. Prodažy ŭ Biełarusi pačalisia tolki ŭ śniežni. Rymskaja ličba «X» ŭ naźvie pryłady pakazvaje na dziesiacihodździe liniejki iPhone. Pa słovach pradstaŭnikoŭ Apple, heta najlepšy smartfon, stvorany kampanijaj za ŭsiu svaju historyju.
Smartfon maje try asnoŭnyja novaŭviadzieńni: «biazramačny» ekran, OLED-dyspłej i sistemu FaceID, jakaja pryjšła na źmienu sistemie razbłakavańnia pa adbitku palca.
1. iPhone 8 (1638 BYN)
Hety smartfon byŭ pradstaŭleny adnačasova z iPhone X u jakaści ŭdaskanalenaj viersii papiaredniaha fłahmana kampanii Apple — iPhone 7. Jahonaj asablivaściu stała šklanaja zadniaja panel, dziakujučy jakoj smartfon možna zaradžać na stancyi biespravadnoje zaradki. Niehledziačy na adsutnaść značnych adroźnieńniaŭ ad papiaredniaj viersii smartfona i nasupierak usim prahnozam, iPhone 8 stali adnymi z samych pradavanych u śviecie mabilnych telefonaŭ za 2017 hod.
