Yle.fi
Palicyja praviała pieratrus u domie žurnalistki Helsingin Sanomat Łaury Chałminen. Chałminen źjaŭlajecca adnym z aŭtaraŭ artykuła ab vajskovaj raźviedcy, jaki byŭ napisany na asnovie sakretnych materyjałaŭ Abarončych siłaŭ.
Pavodle palicyi, pieratrus byŭ praviedzieny z-za padazreńnia ŭ aśviatleńni sakretnaj infarmacyi, jakoje moža pahražać biaśpiecy. Pa słovach Chałminen, palicyja praviała pieratrus biez pastanovy suda.
Palicyjanty, u pryvatnaści, kanfiskavali mabilnyja telefony, kampjutar i karty pamiaci.
Cikava, što pierad padziejami, žurnalistka raźbiła siakieraj vinčestar pracoŭnaha kampjutara, kab źniščyć infarmacyju. Adnak toj zadymiŭsia i Chałminen vyklikała pažarnych.
Razam z pažarnymi prybyli i palicyjanty, jakija vyklikali dadatkovuju bryhadu, kali zrazumieli, kim źjaŭlajecca Chałminen.
Na kampjutary Chałminen byli zachavanyja materyjały niekalkich žurnalisckich prajektaŭ. Pa słovach žurnalista, źniščyŭšy chard-dysk, jana chacieła zabiaśpiečyć poŭnuju abaronu krynicaŭ. Ale na dysku nie było materyjałaŭ, źviazanych z artykułam ab raźviedcy.
