Siarhiej Ihnataŭ
Litoŭski centr acenki jakaści navučańnia niehatyŭna acaniŭ dziejnaść Jeŭrapiejskaha humanitarnaha ŭniviersitetu ŭ Vilni. Heta moža stać padstavaj dla adklikańnia akredytacyi EHU na adukacyjnuju dziejnaść. Raniej akredytacyi była pazbaŭlena prahrama «Suśvietnaja palityka i ekanomika».
Va ŭnutranaj rassyłcy navučencam paviedamili, što prahrama praciahnie padrychtoŭku i vypusk bakałaŭraŭ, kali atrymaje dazvoł Ministerstva adukacyi Litvy. Novaha naboru na hetuju specyjalnaść nia budzie.
V.a. rektara Jorhien Jorhiensen užo pakinuŭ pasadu. U jaho skončyŭsia termin kantraktu. Novym vykanalnikam abaviazkaŭ rektara pryznačany kiraŭnik akademičnaj častki EHU Alaksandr Kaŭbaska.
Ale rektaram budzie inšy čałaviek, paviedamlaje Radyjo Svaboda. Jaho imia nie nazyvajecca da zaviaršeńnia pracesu akredytacyi. Pavodle niepaćvierdžanaj infarmacyi, heta kolišni ministr adukacyi Bałharyi Siarhiej Ihnataŭ.
Siarhiej Ihnataŭ naradziŭsia ŭ 1960 h. u Vidzinie, u siamji advakata i stamatołaha. Byŭ členam kampartyi. Skončyŭ Leninhradski dziaržaŭny ŭniviersitet (1985) pa śpiecyjalnaści jehiptałohija. Pracavaŭ u Safijskim univiersitecie imia sv. Klimienta Achrydskaha. Z 1994 — doktar histaryčnych navuk. Dvojčy ŭ 90-ch stažyravaŭsia ŭ Oksfardzie. Pracavaŭ u Akademii navuk Bałharyi. U 2009 —2013 hadach byŭ ministram adukacyi, moładzi i navuki va ŭradzie Bojka Barysava (partyja «Hramadzianie za jeŭrapiejskaje raźvićcio Bałharyi»).
