U pačatku 2018 hoda na Ziamli buduć žyć 7 młrd 591 młn 541 tys. čałaviek. Takija dadzienyja ŭtrymlivajucca ŭ prahnozie, apublikavanym u piatnicu, 22 śniežnia, fondam «Nasielnictva Ziamli» (Stiftung Weltbevölkerung), štab-kvatera jakoha znachodzicca ŭ niamieckim horadzie Hanoviery, paviedamlaje Deutsche Welle.
U paraŭnańni z pakazčykam hadavoj daŭnaści, kolkaść žycharoŭ Ziamli pavialičycca prykładna na 83 młn čałaviek. Pry hetym pryrost nasielnictva na płaniecie składaje ŭ siarednim 2,6 čałavieka ŭ siekundu.
Samymi chutkimi tempami jon idzie ŭ Afrycy. Ekśpierty, u pryvatnaści, miarkujuć, što da 2050 hoda tam buduć pražyvać 2,5 młrd čałaviek, i rajać bolš aktyŭna realizoŭvać adukacyjnyja prahramy, kab paźbiehnuć niepažadanych ciažarnaściaŭ.
Jak raniej adznačała kiraŭnik fondu «Nasielnictva Ziamli» Renata Bier (Renate Bähr), kali b kožny čałaviek moh samastojna vyrašać, kali i kolki dziaciej jon choča mieć, heta dazvoliła b praduchilić kala 70 adsotkaŭ vypadkaŭ niezapłanavanaj ciažarnaści.
