Dubaviec Siarhiej. Vieršy. Miensk: Medysont. 2007 – 86 s. 500 as.
Jak vy zdahadalisia, heta nia zbornik vieršaŭ. Kali pahartaješ knihu, vyśviatlajecca, što jana, da taho ž, nia tolki “pryvatnaje daśledvańnie sučasnaj paezii”, jak toje ćvierdzić anatacyja. U vaśmi artykułach pra paeziju i paetaŭ pieršy redaktar adnoŭlenaj "NN" Siarhiej Dubaviec chutčej sprabuje namacać vyjście ź niavykrutki, u jakoj apynuŭsia nacyjanalny ruch u krainie, jakuju koliś vymyśliŭ paet.
Samaje važnaje pra Biełaruś pakul što pa-raniejšamu pramaŭlajecca vusnami paetaŭ i budučaja Biełaruś bačycca vyklučna ichnimi vačyma. I, peŭna, tamu dla zasnavalnika “Svabody” – hučnaha palityčnaha vydańnia pačatku 90-ch - mienavita paezija stałasia centram uvahi. Hetaj knihaj spadar Siarhiej patrymlivaje svajo rename ideolaha biełaruščyny.
Znakavy artykuł – “Kryŭda paetaŭ”. Ź inšych artykułaŭ chočacca adznačyć “Paezija abo śmierć” – biezahladnaje davańnie nyrca ŭ hłybini tvorčaści Anatola Sysa i Leanida Hałuboviča.
