Šyrynia dyspleja składaje 1,25 sm, taŭščynia ŭsiaje pryłady dasiahaje 1,2 sm, a vyšynia — 4,76 sm, paviedamlajecca na kraŭdfandynhavym partale Kickstarter, dzie i źbirajucca hrošy na vytvorčaść telefona. Vaha hadžeta składaje ŭsiaho 13 hramaŭ.
Zanco Tiny T1 abstalavany 32 miehabajtami apieratyŭnaj i takim ža abjomam ubudavanaje pamiaci. Heta dazvalaje jamu zachoŭvać da 300 kantaktaŭ i 50 SMS. Akumulatar hadžeta raźličany na 3 dni pracy ŭ režymie čakańnia. Telefon padtrymlivaje 13 movaŭ i abstalavany microUSB-portam. Adnak praz svoj mały pamier jon pracuje tolki ŭ sietcy 2G. Hadžet dastupny ŭ čornym kolery.
Jak vynikaje z staronki hadžeta na Kickstarter, minimalny košt pryłady składaje 30 funtaŭ sterlinhaŭ (kala 78 rubloŭ).
0
0
0
0
0
0
