Pa słovach prakurora, jaki abvinavačvajecca ŭ zabojstvie Taćciany Kursievič «dziejničaŭ abdumana, metanakiravana, strymana». Dziaržabvinavaŭca zapatrabavaŭ dla Jaŭhiena Razdujeva 18 hadoŭ kałonii.
— Padčas razmovy z ekśpiertami Razdujeŭ staranna abdumvaŭ kožny adkaz, na pytańni adkazvaŭ, robiačy paŭzy, pramaŭlaŭ cichim hołasam. Zatoje pra inšyja padziei kazaŭ achvotna. Tamu varta pryznać abvinavačanaha adekvatnym, — źviarnuŭsia da suda prakuror. — Prašu pryznać Razdujeva vinavatym i pryhavaryć da 18 hadoŭ pazbaŭleńnia voli ŭ kałonii va ŭmovach strohaha režymu.
Nahadajem, minčuku pradjaŭlenaje abvinavačvańnie pa č. 2 art. 139 KK «Zabojstva z asablivaj žorstkaściu». Jaŭhiena Razdujeva abvinavačvajuć u zabojstvie maładoj mamy Taćciany Kursievič. Para pražyła razam niekalki miesiacaŭ, źjeździła ŭ ramantyčnuju pajezdku ŭ Pieciarburh, a kali maładyja ludzi viarnulisia ŭ Minsk, raspačałasia svarka. U viečar, kali zdaryłasia trahiedyja, u susiednim pakoi znachodziŭsia 7-hadovy syn Taćciany. Chłopčyk nie čuŭ kryku i svarak. Nazaŭtra Jaŭhien Razdujeŭ advioz dzicia ŭ škołu na zaniatki, a cieła žančyny zakapaŭ u chlavie ŭ 120 kiłamietrach ad Minska. Abvinavačany pierad tym, jak źniknuć, ad imia Taćciany pierapisvaŭsia ź jaje siabroŭkami, kalehami, byłym mužam. Z mužam dziaŭčyna raźviałasia letam 2016 hoda, a prapała 16 listapada 2016 hoda. Taćcianu Kursievič šukała milicyja i vałanciory, a praź niekalki dzion znajšli jaje cieła. Na sudzie Razdujeŭ vinu pryznaŭ častkova.
Padčas pracesu Jaŭhien Razdujeŭ zajaviŭ, što na jaho akazvaŭsia psichałahičny cisk. Jon patrabavaŭ pryciahnuć supracoŭnikaŭ pravaachoŭnych orhanaŭ da adkaznaści i raspačać u dačynieńni da ich kryminalnuju spravu. Pravierka, jakaja doŭžyłasia dva miesiacy, ŭstanaviła: pakazańni Jaŭhiena Razdujeva niepraŭdzivyja.
Pavodle jaho słoŭ, pryčynaj trahiedyi stała reŭnaść. Prakuror nazvaŭ hetuju viersiju nadumanaj. U svajoj pramovie dziaržabvinavaŭca adznačyŭ: padčas rasśledavańnia i sudovaha razboru Razdujeŭ pastajanna mianiaŭ pakazańni. Abvinavačany śćviardžaŭ, što nanios Taćcianie 3—4 udary siakieraj, ale ekśpierty pryjšli da vysnovy: žančyna była źbitaja rukami i nahami, i ŭžo zatym joj nanieśli 8 udaraŭ siakieraj.
Vystupajučy pierad sudom, mama zahinułaj Taćciany skazała, što nie bačyć nijakaha raskajańnia u Razdujeva.
— Paśla zatrymańnia jon papraviŭsia na 7-8 kiłahram. Byŭ by stres, pieražyvańni, takoha nie adbyłosia b. Dla jaho zabiŭ i zabiŭ … Tut sprabavali vystavić jaho jak čałavieka, jaki lubić pryrodu i žyvioł. Ale jon mnie asabista raspaviadaŭ ab žachlivym vypadku, kali zamuravali žyvioł budaŭničaj pienaj. Tamu nie sumniavajusia - jon toj, chto zdolny na žorstkaść, - kaža paciarpiełaja. - U pracesie ŭsiaho pačutaha ŭ sudzie ja jašče bolš pierakanałasia: hetaja asobina zasłuhoŭvaje śmiarotnaha pakarańnia, jaho treba izalavać ad hramadstva.
Były muž Taćciany ličyć, što Razdujeŭ zasłuhoŭvaje pažyćciovaha źniavoleńnia.
