Respublikanski instytut kantrolu viedaŭ (RIKV) pačnie prymianiać novuju mietodyku apracoŭki vynikaŭ CT u 2019 hodzie. Ab hetym siońnia ŭ intervju telekanału «Biełaruś-1» paviedamiŭ dyrektar instytuta Juryj Miksiuk, paviedamlaje BIEŁTA.
«Ustupnaja kampanija u 2019 hodzie pavinna prajści pa novaj mietodycy. Ich vielmi šmat u śviecie — ad vielmi prostych da vielmi składanych. My źbirajemsia znajści załatuju siaredzinu, kab dla našych hramadzian hety padychod byŭ zrazumieły i kab adnačasova vykonvalisia dźvie funkcyi — ranžyravańnia i acenki viedaŭ», — skazaŭ Juryj Miksiuk.
Źmieny ŭ struktury vykanańnia zadańniaŭ kali i źjaviacca, to jany buduć niaznačnymi. U 2018 hodzie ŭ hetym płanie ničoha mianiacca nie budzie.
Pa daručeńni kiraŭnika dziaržavy, źmiest CT pierahladajecca z ulikam źmienaŭ u školnaj prahramie. Dla hetaha stvorany śpiecyjalnyja rabočyja hrupy. Adnačasova RIKV unosić svaju leptu ŭ abnaŭleńnie školnych i ŭniviersiteckich prahram.
Juryj Miksiuk zakranuŭ taksama navacyi ŭ praviadzieńni repietycyjnaha testavańnia. Tak, ź lutaha ŭ Biełarusi budzie jašče adzin vid RT — dystancyjnaje.
Jaho možna budzie prajści biaspłatna pa ŭsich pradmietach i atrymać na sajcie RIKV poŭny razbor svaich pamyłak. Dyrektar instytuta adznačyŭ, što prachodziać aprabacyju novyja testavyja zadańni (pry hetym vierahodnaść sustreć ich potym na CT nulavaja), abituryjenty ž atrymlivajuć mahčymaść paspytać svaje siły i acanić uzrovień padrychtoŭki.
