marca.es
Brazilski paŭabaronca Filipe Kaŭcińjo pierajšoŭ z «Livierpula» ŭ «Barsiełonu». Katałonski kłub aficyjna pradstaviŭ svajho navička ŭ chodzie śpiecyjalnaj pres-kanfierencyi. 25-hadovy futbalist padpisaŭ z «Barsiełonaj» kantrakt da leta 2023 hoda. U pahadnieńni prapisana suma adstupnych pamieram €400 młn.
Suma tranśfieru Kaŭcińjo skłała €160 młn. «Livierpul» harantavana atrymaje za chaŭbieka €120 młn. Jašče €40 młn miersisajdcaŭ mohuć atrymać, kali brazilec dasiahnie ŭ novaj kamandzie peŭnych pakazčykaŭ.
Tranśfier Kaŭcińjo staŭ rekordnym dla «Barsiełony». Raniej samym darahim byŭ letni pierachod francuzskaha forvarda Usmana Dembiele z dortmundskaj «Barusii» za €za 105 młn. Za ŭsiu historyju futboła daražej kaštavaŭ tolki tranśfier brazilskaha forvarda Niejmara ŭ «PSŽ» z «Barsiełony». Minułym letam francuzski kłub zapłaciŭ za forvarda €222 młn.
