Były śpiecyjalist pa techničnaj invientaryzacyi RUP «Minskaje haradskoje ahienctva pa dziaržaŭnaj rehistracyi i ziamielnym kadastry» prysudžanaja da 4 hadoŭ 6 miesiacaŭ pazbaŭleńnia voli z adbyvańniem pakarańnia ŭ kałonii ahulnaha režymu, paviedamlaje HUUS Minharvykankama.
Razam ź joju sud pakaraŭ jašče dźvie asoby — byłoha ahienta pa nieruchomaści za davańnie chabaru na 3 hady kałonii ahulnaha režymu i ŭładalnicu pryvatnaj firmy za padbuchtorvańnie da davańnia chabaru na dva hady vyprabavalnaha terminu z abaviazkovym źjaŭleńniem u milicyju pa vykliku i da štrafu ŭ 1225 rubloŭ.
Usie try fihurantki spravy ŭdzielničali ŭ niezakonnych pierapłanavańniach ofisnych i žyłych pamiaškańniaŭ, a supracoŭnica RUP «Minskaje haradskoje ahienctva pa dziaržaŭnaj rehistracyi i ziamielnym kadastry» unosiła zaviedama iłžyvyja źviestki ŭ pašparty abjektaŭ nieruchomaści. Za kožny taki dakumient, pavodle źviestak śledstva, jana atrymlivała nie mieniej za $100.
