Viadomy biełaruski IT-pradprymalnik Viktar Prakapienia ŭ svaim fejsbuk-akaŭncie anansavaŭ mabilny dadatak, u jakim možna virtualna pabić svajho surazmoŭcu roznymi sposabami.
«Ciapier ja ŭ rukach trymaju prahramku, jakaja dazvalaje telefanavać siabru pa videazvanku i bicca ź im. Cikavy kiejs jaje vykarystańnia — možna pieraklučycca z frantalnaj kamiery na zadniuju — navieści na videa na ekranie manitora — i atrymlivajem viasiołyja videa ŭ atač», — raspavioŭ jon i prademanstravaŭ, jak mahła b vyhladać jaho virtualnaja bitva z ekanamistam Siarhiejem Čałym.
Pa słovach Prakapieni, hetaja prahrama źjavicca ŭ anłajn-kramach praz dva miesiacy. Zrešty, nazvu dla jaje jany pakul jašče nie vybrali.
Budučynia za kamierami
Biełarus vieryć, što mabilnyja dadatki budučaha buduć budavacca vakoł kamiery: «I naohuł, sprečna nazyvać telefonam pryładu, pa jakoj amal nie telefanuješ. Heta, chutčej, kamiera ź internetam».
Jon raspavioŭ, što jaho partfielnyja kampanija — Banuba — užo zrabiła šerah technałohij dapoŭnienaj realnaści dla mabilnych telefonaŭ. Havorka pra trekinh tvaru i kirunki pohladu praz kamieru, vyznačeńni poła /uzrostu/rasy/ emocyj pa tvary. «My navat umiejem praz kamieru mabilnaha telefona puls detekcić», — pachvaliŭsia Prakapienia.
