ABSIE zajaŭlaje ab niekarektnaj interpretacyi biełaruskimi telekanałami vykazvańniaŭ kiraŭnika Biuro pa demakratyčnych instytutach i pravach čałavieka (BDIPČ) ABSIE Janieza Lanarčyča. Pra heta havorycca ŭ raspaŭsiudžanaj 29 vieraśnia śpiecyjalnaj zajavie misii naziralnikaŭ na parłamienckich vybarach u Biełarusi.
«Učora (28 vieraśnia — BiełaPAN.) biełaruskija telekanały BT i ANT pakazali vystupleńnie kiraŭnika BDIPČ ABSIE pasła Janieza Lanarčyča, zhodna ź jakim spadar Lanarčyč nibyta zajaviŭ, što doŭhaterminovyja naziralniki BDIPČ ABSIE «nie znajšli jakich‑niebudź surjoznych parušeńniaŭ». Nasamreč pasoł Lanarčyč skazaŭ, što naziralniki «vyjavili važnyja niedachopy ŭ pieradvybarny pieryjad», — havorycca ŭ zajavie.
Vyniki i vysnovy svajoj pracy misija ABSIE pa nazirańni za parłamienckimi vybarami ŭ Biełarusi pradstavić 29 vieraśnia na pres‑kanfierencyi ŭ Minsku.
