Patrapiŭšy pad ahoń krytyki z boku karystalnikaŭ starejšych madelaŭ ajfonaŭ u suviazi ź infarmacyjaj pra admysłovaje zapavolvańnie ich apieracyjnaj sistemaj, firma Apple siońnia abiacała dadać u sistemu mahčymaść adklučeńnia hetaha zapavolvańnia, paviedamlaje Technozon.us.
«My krychu źmianšajem vyličalnuju mahutnaść na niejkuju vieličyniu kab paźbiehnuć niečakanaha pierazapusku. Kali vy hetaha nie chočacie — vy zmožacie heta adklučyć. Ale my hetaha nie rekamiendujem, bo ajfony sapraŭdy važnyja dla ich uładalnikaŭ», — zajaviŭ kiraŭnik Apple Cim Kuk.
Pavodle pradstaŭnikoŭ firmy, zapavoleńnie dziejańnia pracesara na ŭzroŭni sistemy dazvalała starejšym madelam telefonaŭ pracavać bolej stabilna kali batareja stareła i hublała svaju enierhietyčnuju jomistaść.
Adnak značnaja častka aburanych klijentaŭ pabačyła ŭ hetym prymusovaje stymulavańnie ich da nabyćcia najnaviejšych madelaŭ ajfonaŭ ź niezapavolenymi pracesarami.
Łatka dla sistemy maje — pavodle Apple — źjavicca «ŭ nastupnym miesiacy», ale dakładnaja data jaje premjery pakul nieviadomaja.