U rubrycy «Za i suprać» haziety «Viačerni Brest» (zasnavalniki — TAA «Viačerni Brest» i Brescki haradski Saviet deputataŭ)», Briestskij horodskoj Soviet dieputatov źjaviŭsia materyjał, pryśviečany pierajmienavańniu bresckich vulic. Hałoŭnaj jaho admietnaściu stała ilustracyja — nastaŭnicu historyi Volhu Prystupu prailustravali zdymkam halivudskaj zorki Alivii Uajłd.
Fota z sajta paźniej usio ž prybrali, ale ci nie pakryŭdziłasia na historyju sama Volha Prystupa?
«Naša Niva» źviazałasia z aŭtaram materyjała, kab paprasić kantakty spadaryni Prystupy. Barys Paŭłoŭski, čyim imieniem padpisany tekst, — namieśnik hałoŭnaha redaktara vydańnia.
Jon paviedamiŭ, što źviazvajecca z surazmoŭcaj pa telefonie, ale na prośbu padzialicca numaram adkazaŭ, što ŭsio ž nie telefanuje nastaŭnicy, a piša elektronnyja listy. Pryčym piša nie joj, a jaje znajomaj, jakaja paśla pieradaje ich Volzie Prystupie.
Praŭda, i mejł znajomaj tajamničaj nastaŭnicy spadar Paŭłoŭski nie vydaŭ.
U jakoj škole pracuje Volha Prystupa, jon uzhadać taksama nie zmoh.
Dadamo, što ŭ sacyjalnych sietkach čałavieka z takim proźviščam u Breście nie isnuje.