Płany pa aptymizacyi ŭ śfiery kasava-inkasatarskich pasłuh i situacyi na valutnym rynku abmierkavany 25 studzienia na sustrečy Alaksandra Łukašenki sa staršynioj praŭleńnia Nacyjanalnaha banka Paŭła Kałaŭra, paviedamlaje pres-słužba kiraŭnika dziaržavy.
president.gov.by
Jak paviedamiŭ Pavieł Kałaŭr, kurs biełaruskaha rubla blizki da raŭnavažnaha. «Kali kazać pra situacyju na valutnym rynku, to ŭ nas ciapier kurs pablizu raŭnavažnaha. Dziakujučy toj palitycy, jakuju pravodzili ŭ papiarednija niekalki hadoŭ, my vyjšli na kurs, jaki, z adnaho boku, całkam zadavalniaje našych eksparcioraŭ, z druhoha — jon zadavalniaje zadačam padtrymańnia finansavaj i cenavaj stabilnaści», — skazaŭ jon.
Alaksandr Łukašenka na sustrečy cikaviŭsia ŭ cełym situacyjaj u śfiery kredytna-finansavych arhanizacyj i bankaŭskaj sistemie.
«Jakaja situacyja na valutnym rynku? Ci paćviardžajucca tyja tendencyi, ci ž jany krychu lepšyja, jak my z vami abmiarkoŭvali napiaredadni Novaha hoda? Jak u nas raźvivajucca padziei na valutnym rynku. Što my možam čakać u budučym ad kursu rubla? Heta vielmi važna dla našaj ekanomiki ŭ cełym», - paznačyŭ tematyku razmovy Kiraŭnik dziaržavy.
