Prablemy z dostupam da sajta «Chartyi'97» ŭźnikli ŭ čytačoŭ ŭviečary 24 studzienia. Rašeńnie Mininfarmacyi było apublikavana ŭ čaćvier, 25 studzienia, tady ž da błakiroŭki dałučylisia ŭsie pravajdary.
Nakolki źmianiłasia naviedvalnaść sajta za dni pracy pad błakavańniem?
Havorka viadziecca pra sieansy (vizity) — kali adzin i toj ža čałaviek dvojčy za dzień adkryvaŭ sajt, to buduć zaličanyja dva sieansy.
Pavodle ŭstalavanaha na «Chartyi'97» ličylnika Google Analytics (udakładnim, my aceńvajem nie karektnaść pracy ličylnika, a praporcyi atrymanych im ličbaŭ — Red.),
u piatnicu, 26 studzienia, na sajcie było zafiksavana 103 tysiačy sieansaŭ. Dla paraŭnańnia, u papiaredniuju piatnicu sistema naličyła 425 tysiač sieansaŭ (padzieńnie ŭ 4,12 razu).
u subotu, 27 studzienia, na «Chartyi'97» było 85 tysiač vizitaŭ. U papiaredniuju subotu — 394 tysiačy (padzieńnie ŭ 4,63 razu).