Fota Vitaŭta Siŭčyka
Staršynia Instytuta nacyjanalnaj pamiaci Polščy Jarasłaŭ Šarek adkazaŭ na pytańnie Svabody nakont losu anansavanaha pierajmienavańnia ŭ Bielsku-Padlašskim vulicy i liceja imia Branisłava Taraškieviča ŭ ramkach pracesu dekamunizacyi.
Nahadajem, što da 2 śniežnia 2017 hoda vajavoda padlaski Bohdan Paškoŭski pavinien byŭ padpisać rašeńnie pra los vulicy Taraškieviča ŭ Bielsku-Padlašskim, adnak dakumient nie byŭ padpisany. Instytut nacyjanalnaj pamiaci abviaściŭ, što rašeńnie pavinna być pryniata da kanca studzienia.
29 studzienia delehacyja Instytuta nacyjanalnaj pamiaci na čale ź jaho staršyniom Jarasłavam Šarekam prybyła ŭ Miensk, i karespandent Svabody spytaŭ spadara Šareka pra situacyju ź pierajmienavańniem vulicy i liceja Taraškieviča ŭ Bielsku.
«Na hety momant vulica Branisłava Taraškieviča, jak i jahony patranat nad licejem, zastajucca», — adkazaŭ spadar Šarek.
Na ŭdakładnialnaje pytańnie, ci kančatkovaje heta rašeńnie, spadar Šarek adkazaŭ: «Na hety momant — tak».
Delehacyja 29 studzienia ŭskłała vianki ŭ Kurapatach, a 30 studzienia nakirujecca ŭ Babrujsk, dzie praviadzie pieramovy z uładami ab ustalavańni pomnika sałdatam Polskaha korpusu Doŭbar-Muśnickaha. U 1918 hodzie hety korpus vystupiŭ suprać savieckaj ułady.
