Kiraŭnik Paralimpijskaha ruchu Biełarusi Aleh Šepiel raspavioŭ Presbołu jak vyrašyŭ dziejničać MAK, kab nie dapuścić paŭtareńnia situacyi na papiarednich Hulniach u Rya-de-Žaniejra, kali na cyrymonii adkryćcia člen biełaruskaj delehacyi Andrej Fomačkin prajšoŭ z rasijskim ściaham u znak niazhody z dyskvalifikacyjaj zbornaj Rasii.
«Nam užo pryjšło aficyjnaje papiaredžańnie: navat u hateli pa-za Alimpijskaj vioskaj my nie majem prava pravodzić lubyja publičnyja akcyi. Heta adna z umoŭ zasialeńnia ŭ hatel. Upieršyniu ŭ historyi! Nie viedaju, praŭda, pryjšoŭ list tolki nam abo ŭsim delehacyjam», skazaŭ Aleh Šepiel.
Na jaho dumku, pranos rasijskaha ściaha ŭ Rya-de-Žaniejra byŭ «prosta padtrymkaj spartsmienaŭ, jakija biazdokazna adchilenyja ad spabornictvaŭ».