Vypadak adbyŭsia viečaram 6 śniežnia na małočna-tavarnaj fiermie ŭ Zelvienskim rajonie, paviedamlaje sk.gov.by
Chłopčyk 2008 hoda naradžeńnia pryjšoŭ na pracu razam z baćkam. U niejki čas zastaŭsia ŭ pamiaškańni adzin, spatyknuŭsia i pavaliŭsia. U vyniku naha trapiła ŭ stužku transparciora hnojevydaleńnia i była zacisnuta pavarotnaj zoračkaj.
Chłopčyka apieratyŭna dastavili spačatku ŭ rajonnuju, a zatym abłasnuju balnicu. Adnak u jaho raźvilisia ŭskładnieńni, uźnikła pahroza žyćciu, u vyniku ŭźnikła nieabchodnaść amputacyi nahi, paviedamlaje pres-słužba SK.
Zelvienskim rajonnym adździełam SK pryniata rašeńnie ab zaviadzieńni kryminalnaj spravy ŭ dačynieńni da 52-hadovaj zahadčycy małočna-tavarnaj fiermy pa fakcie słužbovaj niadbajnaści, jakaja pryviała da ciažkich nastupstvaŭ (art.428), što vyjaviłasia ŭ dopusku starońnich u pamiaškańnie fiermy, a taksama nie pryniaćci zachadaŭ pa abstalavańni transparciora achoŭnym kažuchom.
