Usio bolš irancaŭ vystupajuć suprać abaviazkovaha našeńnia chidžaba. Pra heta sa spasyłkaj na dadzienyja spravazdačy stratehičnaha centra pry administracyi prezidenta Irana paviedamlaje ahienctva dpa.
Iranskija ŭłady zaniepakojenyja hetaj tendencyjaj, havorycca ŭ dakumiencie. Pa ich acency, bolšaść žycharoŭ krainy ličyć, što nie dziaržava, a sami žančyny pavinny vyrašać, nasić im chidžab ci nie. Zatrymańni i hrašovyja štrafy z boku palicyi noravaŭ, jakaja sočyć za vykanańniem praviłaŭ našeńnia žanočaha adzieńnia ŭ hramadskich miescach, nie dajuć efiektu, havorycca ŭ spravazdačy.
Z kanca śniežnia ŭ iranskich haradach idzie kampanija suprać abaviazkovaha našeńnia chidžaba. Žančyny publična zdymajuć chustki i razmachvajuć imi, jak ściahami. Za padobnyja akcyi pratestu byli zatrymanyja jak minimum 30 žančyn. U apošnija dni kampaniju suprać chidžabaŭ padtrymali taksama deputaty iranskaha parłamienta.
Čytajcie taksama:
Iranki pratestujuć suprać chidžabaŭ — upieršyniu za 40 hadoŭ FOTY
