Na 26-m hodzie žyćcia pamior były chakieist minskaha «Junactva», «Viciebsku» i «Lidy» Kanstancin Hryń, paviedamlaje belarushockey.com.
U śniežni 2016 hoda ŭ jaho vyjavili puchlinu ŭ straŭniku i pryznačyli 6 kursaŭ chimijaterapii. Paśla 3 kursaŭ puchlina syšła i zaciahnułasia šnaram, ale paśla 6-ha kursa znoŭ pačała raści. Jašče adzin kurs nie dapamoh, puchlina pavialičyłasia da 10 sm. Była praviedziena apieracyja, u vyniku jakoj vydalili 2/3 straŭnika. Zatym pryznačyli jašče 6 kursaŭ chimijaterapii …
Kanstancin Hryń — vychavaniec minskaha «Junactva». Hulaŭ za kamandu ŭ čempijanacie Moładzievaj chakiejnaj lihi (2010/11, 2012/13), staŭšy aŭtaram pieršaj šajby minčan u MCHŁ.
U MCHŁ taksama vystupaŭ za kamandu «Siarebranyja lvy» z Sankt-Pieciarburha (2011—2012).
U vyšejšaj lizie čempijanatu Biełarusi hulaŭ za minski «Junijor», «Lidu-2», u ekstralizie vystupaŭ za «Viciebsk», «Junijor», «Lidu».
Paśla zakančeńnia spartovaj karjery pastupiŭ u BDEU, pracavaŭ mieniedžaram.
***