Mahčymy vyhlad čałaviečaha pasialeńnia na Marsie
Pavodle jaho słovaŭ, finansavańnie prajekta praktyčna zaviaršyłasia, a nastupnaja stadyja pačniecca ŭ 2019 hodzie.
Raniej płanavałasia zapuścić misiju Mars One ŭ 2022 hodzie. Adnak praź niedachop finansavańnia pieršy vylet na Mars pieranieśli na 2031 hod.
Zajaŭki na ŭdzieł u prajekcie, jaki anansavali ŭ 2012 hodzie, padali 200 tysiač čałaviek, jakija byli hatovyja pravieści žyćcio i pamierci na Čyrvonaj płaniecie, adnak ź ich vybrali tolki sotniu.
Na novym etapie z avijacyjna-kaśmičnymi kampanijami i novymi supracoŭnikami padpišuć kantrakty, a taksama vybieruć 40 pretendentaŭ z 100 achvočych palacieć na Mars. U vyniku ŭ 2031 hodzie na Čyrvonuju płanietu palaciać tolki čaćviora — dva mužčyny i dźvie žančyny. Jany pražyvuć na Marsie dva hady, u 2034-m da ich dałučycca nastupnaja partyja pasialencaŭ, a ŭ 2036 hodzie — jašče adna, i hetak dalej.
Dla adpraŭki pieršych pasialencaŭ prahramie patrabujecca šeść miljardaŭ dalaraŭ.
Pieršyja žychary buduć vyroščvać sielskahaspadarčyja kultury. Płanujecca, što jany praviaduć na Čyrvonaj płaniecie reštu svajho žyćcia i pasprabujuć stvaryć tam čałaviečuju cyvilizacyju. Dla hetaha na Ziamli jany atrymajuć usie nieabchodnyja navyki.
