U Vierchniadźvinsku ratavalniki i rabotniki palaŭničaha padraździaleńnia vyratavali łasia.
U race Drysa kala mosta tanuŭ łoś. U terminovym paradku supracoŭniki palaŭničaj arhanizacyi i rabotniki MNS vyjechali na miesca zdareńnia
— Łoś nie moh vybracca z pałonki. Na lod spuścili płyt. Ad jaho da bieraha ačyścili ad lodu ŭčastak raki — kab žyvioła zmahła vyjści. Ale mocnaja płyń adniesła jaho na 1,5 kiłamietra. Tady ŭ hetym miescy znajšli zručny spusk da raki, padrychtavali placoŭku dla łasia.
Na šyju žyviole ŭdałosia nakinuć piatlu — tak ludzi zdoleli kantralavać jaho ruch.
Ale navat šeść mužčyn vyciahnuć jaho nie zmahli, pryjšłosia źviarnucca da dapamohi labiodki.
Na bierazie łoś loh na padrychtavanuju dla jaho placoŭku. Ludzi nakryli jaho koŭdrami i sałomaj, raskłali pobač vialikaje vohnišča. Ale žyvioła nastolki źniasileła, što nie reahavała navat na ahoń.
Za łasiom ŭstanavili nazirańnie. Unačy jon padniaŭsia i pajšoŭ u les. A na nastupny dzień miascovyja žychary ŭbačyli, što jon užo dobra pačuvajecca.
