Biermudskija astravy stali pieršaj terytoryjaj, jakaja admienić raniej pryniaty zakon, jaki lehalizavaŭ adnapołyja šluby, paviedamlaje BBC.
U minułuju sieradu Džon Rankin, hubiernatar hetych zamorskich terytoryj Vialikabrytanii, padpisaŭ adpaviedny zakon, niahledziačy na rašeńnie Viarchoŭnaha suda, jaki dazvoliŭ u 2017 hodzie rehistracyju adnapołych šlubaŭ.
Ministr unutranych spraŭ Biermudskich astravoŭ Uołtan Braŭn, čyja kirujučaja Prahresiŭnaja lejbarysckaja partyja (PLP) prapanavała admianić zakon ab adnapołych šlubach, zajaviŭ u sieradu, što rady hetamu rašeńniu.
U śniežni minułaha hoda deputaty Zakanadaŭčaha schodu i Sienat Biermudskich astravoŭ prahałasavali ź vialikim adryvam za admienu zakona ab adnapołych šlubach paśla taho, jak na Biermudach prajšoŭ refierendum, na jakim bolšaść vykazałasia suprać adnapołych šlubaŭ.
U homaseksualnych par, jakija pražyvajuć na Biermudach, zastaniecca mahčymaść zarehistravać svoj aljans jak «sumiesnaje viadzieńnie chatniaj haspadarki».
Pa słovach Braŭna, hetyja pary buduć mieć tyja ž pravy, što i žanatyja hieteraseksualnyja pary, u pryvatnaści, u ich budzie prava na pryniaćcie rašeńnia, jakoje tyčycca zdaroŭja partniora, kali toj nie ŭ stanie hetaha zrabić sam.
Pravaabaroncy śćviardžajuć, što novy zakon supiarečyć kanstytucyi Biermudskich astravoŭ, jakaja harantuje svabodu ad dyskryminacyi.
