Ekanamist Alaksandar Čubryk miarkuje, što ŭ siaredniaj i doŭhaterminovaj perspektyvie ŭviadzieńnie adzinaj staŭki padachodnaha padatku paspryjaje ŭsim katehoryjam nasielnictva.
U minułym hodzie efektyŭnaja staŭka padachodnaha padatku dla biełarusaŭ ź siarednimi dachodami składała kala 12,6 %, tamu bolš zamožnyja hramadzianie i tyja, chto adnosicca da siaredniaj klasy, tolki vyjhrajuć ad takoha kroku.
Mienš zabiaśpiečanyja suajčyńniki, jakija płacili padatak na ŭzroŭni 9 % u pieršy čas sapraŭdy mohuć adčuć na sabie inicyjatyvu ŭradu. Adnak, jak adznačaje ekanamist, apošnija hady zarobki ŭsiaho biez vyklučeńnia nasielnictva rastuć. Tamu, kali b zachavaŭsia stary dyferencyjavany padatak, z rostam zarobkaŭ biełarusam daviałosia b płacić bolšyja padatki.
Uviadzieńnie adzinaj staŭki padachodnaha padatku, ličyć A. Čubryk, pavinna paspryjać vyviadzieńniu ź cieniu nie deklaravanych raniej prybytkaŭ, što pavialičyć prytok srodkaŭ u biudžet.
U ideale dziaržava mahła b skarystacca z dadatkovych pastupleńniaŭ, kab akazvać adrasnuju dapamohu samym nieabaronienym katehoryjam nasielnictva.
