Deputaty miascovych savietaŭ «biaspłatna vykonvajuć svaje hramadskija abaviazki». Tamu «viadoma, nie varta raźličvać, što kandydaty buduć tak zaŭziata zmahacca za hety deputacki mandat i aktyŭna pravodzić svaju pieradvybarčuju ahitacyjnuju pracu».
Takoje mierkavańnie vykazała staršynia Centrvybarkama Lidzija Jarmošyna ŭ intervju prahramie «Kontury» na telekanale ANT, piša TUT.BY.
Razam z tym jana ličyć, što vybarčaja kampanija stała žyviejšaj. Raniej «ničoha, akramia sustreč u pracoŭnych kalektyvach nie było». «Ciapier my bačym, što u nas źjaviłasia i dosyć dobra raźvivajecca vuličnaja ahitacyja. Nu i našy kandydaty stali ŭtvarać realnyja fondy za svaje srodki i rabić pieradvybarčyja ŭlotki i płakaty», — skazała Jarmošyna.
Prablema ŭ tym, što «sami vybarščyki ŭ pryncypie nie zaŭvažajuć kandydataŭ, i sami redka prychodziać na sustrečy». «Bo stajać kandydaty na pikietach i hrupy padtrymki ŭ ich jość. Praŭda, nie va ŭsich kandydataŭ jość hrupy padtrymki. Adna sprava, kali ich pradstaŭlajuć bujnyja hramadskija abjadnańni pradziaržaŭnaha napramku. Inšaja sprava, kali kandydat — adzinočka albo za im staić vielmi vuzkaje koła prychilnikaŭ. Tady, viadoma, vybarčaja kampanija mienš cikavaja», — dadała kiraŭnik CVK.
Miascovyja vybary projduć u Biełarusi 18 lutaha.
