Pra heta Alaksandr Łukašenka zajaviŭ siońnia na pasiadžeńni Rady biaśpieki, piša BiełTA
«Kali ŭvohule kazać, my vielmi surjozna ŭ ADKB niedaaceńvajem niebiaśpieku biahučaj situacyi. Rasija sama pa sabie madernizuje ŭzbrojenyja siły. My niešta sprabujem razam ź inšymi členami ŭzbrojvacca, madernizavacca i hetak dalej. Kožny sam pa sabie», — zajaviŭ jon.
Asnoŭny ciažar pa abaronie ahulnaj prastory ŭ vypadku nieabchodnaści, naturalna, laža na Rasiju. «Ale surjoznaha razumieńnia ŭ kiraŭnictva Rasii siońnia taho, što treba na najbolš niebiaśpiečnych kirunkach našaj ahulnaj sumiesnaj abarony ŭmacoŭvać nacyjanalnyja ŭzbrojenyja siły — Biełarusi, Kazachstana, Armienii, inšych krain, — takoha razumieńnia niama. I heta vielmi baluča moža adhuknucca», — padkreśliŭ biełaruski kiraŭnik.
«Ja nie ŭ tym płanie, što my chočam čarhovy raz, jak u ich pryniata kazać, patrabujem niejkich hrošaj na niejkija mierapryjemstvy. Ale treba razumieć, što, dapuścim,
Biełaruś źjaŭlajecca asnoŭnym farpostam, u tym liku i Rasijskaj fiederacyi, na zachodnim napramku, — rastłumačyŭ kiraŭnik dziaržavy. — A tut siońnia najbolš niebiaśpiečny kirunak.
Choć i kancentracyja niehatyŭnych źjaŭ u Afhanistanie nie moža supakojvać nas i na paŭdniovym kirunku».
«Tamu ŭ hetym sensie nam vielmi surjozna, pa mienšaj miery, paśla prezidenckich vybaraŭ u Rasii, treba padumać i prymać rašeńnie. Nam treba vielmi surjozna nie prosta madernizavać našy ŭzbrojenyja siły, a treba ŭdaskanalvać i bolš aktyŭna prystasoŭvać da mahčymych bajavych dziejańniaŭ. Mahčymym. zychodziačy z vopytu viadzieńnia vojnaŭ i kanfliktaŭ u sučasny čas», — zajaviŭ kiraŭnik dziaržavy.
Alaksandr Łukašenka padkreśliŭ, što ŭ suviazi z hetym asablivaje značeńnie maje stratehičnaje partniorstva z Rasijaj. «Niahledziačy na roznyja dadumki, infarmacyjnuju šumichu, roŭna i spakojna praviedziena sumiesnaje stratehičnaje vučeńnie «Zachad-2017». U ciapierašni čas sumiesna vypracoŭvajucca miery pa źniaćci pieraškodaŭ u pamiežnaj i mytnaj śfiery, u halinie vizavaj palityki i inšyja», - skazaŭ jon.
