30-hadovaja žančyna-transhiendar źviarnułasia ŭ Centr miedycyny i chirurhii transhiendaraŭ Maŭnt Sinaj u ZŠA i raspaviała, što jaje partniorka ciažarnaja, ale jana nie choča ŭ budučyni karmić hrudźmi dzicia.
Na praciahu šaści hadoŭ da hetaha transhiendar prymała fieminizujučy nabor harmonaŭ. Kab dapamahčy, daktary za try z pałovaj miesiacy da naradžeńnia dziciaci pačali davać joj harmony dampierydon, estradyjoł i prahiesteron. U vyniku pry vykarystańni małakaadsmoktvalnika — pryłady dla scedžvańnia hrudnoha małaka — udałosia atrymlivać dastatkovuju kolkaść małaka dla karmleńnia niemaŭlaci ciaham šaści tydniaŭ. Potym, užo adnačasova ź inšaj ježaj, karmleńnie praciahvałasia jašče šeść miesiacaŭ.
«My ličym, što heta pieršaja paŭnavartasnaja spravazdača ŭ miedycynskaj litaratury ab vyklikanaj [štučnymi mietadami] łaktacyi ŭ žančyny-transhiendara», — pišuć aŭtary artykuła.
Adznačajecca, što dampierydon — preparat, jaki nie ŭchvalaje amierykanskaje Upraŭleńnie pa sanitarnym nahladzie za jakaściu charčovych praduktaŭ i miedykamientaŭ (FDA), ale jaki časta vykarystoŭvajuć ludzi, jakija samastojna zajmajucca harmanalnaj terapijaj.
