Vola i Pavieł Sieviaryncy adkryli biełaruskuju chryścijanskuju internet-kramu «Kropla.baj», zasnavanuju dziela padtrymki chryścijanskaha infarmacyjnaha partału «Krynica.infa».
U «Kroplia.by» možna nabyć cišotki, natatniki, kubki, zavušnicy, hadzińniki z cytatami ź Biblii pa-biełarusku, vyšyvanki, torby ź biełaruskaj chryścijanskaj simvolikaj. Taksama «Kroplia.by» płanuje pradavać knihi (Bibliju i Novy Zapaviet u biełaruskim pierakładzie, «Biełaruskuju chryścijanskuju azbuku», «Chroniki Narnii», encykłapiedyju «Lublu Biełaruś», «Biełarusalim» dy inšyja), i dyski sieryi «Biełaruski chryścijanski chit».
Aŭtar idei, Volha Sieviaryniec, zarehistravanaja jak indyvidualny pradprymalnik, raspaviadaje:
— Zaraz u Biełarusi amal usia suvienirnaja pradukcyja i bolšaść knihaŭ dla cerkvaŭ idzie z Rasii, radziej — z Polščy. Biełaruskamoŭnaje davodzicca źbirać pa kaliŭcu. My vyrašyli raspracoŭvać admysłovy dyzajn, zamaŭlać našym ramieśnikam aŭtarskija rečy ź biełaruskaj i chryścijanskaj simvolikaj, kab u viernikaŭ usio ž taki była mahčymaść vybrać svajo. Kropla kamień točyć.
— Biełarusi vielmi patrebny taki chryścijanski «Symbal.baj» — centr dyzajnierskich raspracovak, jaki paspryjaje biełarusizacyi cerkvaŭ, — kaža Pavieł Sieviaryniec. — Tamu dla nas «Kroplia.by» — chutčej nie kamiercyjny, a dabračynny prajekt. Mienavita praź jaho my chočam padtrymać partał «Krynica.info».
