Zavušnicy-šandaljery
Zabytyja masiŭnyja šandaljery, ci žyrandoli, jak ich jašče nazyvajuć, znoŭ adnaŭlajucca ŭ pravach. Na podyumach takija možna było ŭbačyć u Badgley Mischka, Anna Sui i Ralph Lauren.
Kali abirajecie ich dla svajho vobrazu, admoŭciesia ad jarkaha mejkapu, kab nie pierabrać z akcentami. Takija zavušnicy buduć kłasna hladziecca z prostaj pryčoskaj: konskim chvastom, naprykład, ci nieachajnym pučkom.
Mejkap — kisłotny i nieonavy
Jarki, byccam by dziciačy makijaž bajcy modnaha frontu źviazvajuć z unutranaj svabodaj samavyjaŭleńnia, da jakoj i zaklikajuć.
Kali dadać da kaśmičnych cieniaŭ krychu rumiancu i jahadnuju pamadu — atrymajecca mejkap u styli 80-ch, a vynachodnictvy tych časoŭ ciapier znoŭ vielmi aktualnyja.
Darečy, prylizanyja, z mokrym efiektam vałasy — heta taksama trendava i śvieža.
Žyćcio ŭ ružovym kolery
Niahledziačy na toje, što hałoŭnym koleram 2018 hoda abjavili ultrafijalet, dyzajniery robiać vyhlad, što pra heta nie čuli, i stvarajuć całkam ružovyja kamplekty.
Treba dadać, što ružovy koler užo daŭno ŭvarvaŭsia ŭ naša žyćcio. U 2016-m jon nahadvaŭ pra chipi-maniju 1960-ch, u 2017-m — razmalavaŭ ściahi fieminisckich maršaŭ, a zaadno krasoŭki, džynsy, futbołki i ajfony — usiu atrybutyku pakaleńnia milenijaałaŭ. U novym, 2018-m, ružovy koler staŭ bazavym: źjaviŭsia ŭ ofisnych kaściumach i viečarovych sukienkach. Tamu zakančvajcie jaho bajacca. Jon ni kropli nie niesurjozny.
Kalarovaje futra
Kali vy da hetaha času nie majecie štučnaje futra ŭ harderobie, to źviarnicie na jaho ŭvahu. Na chałodnuju viasnu i kamfortnuju zimu — samaje jano. Dyzajniery śćviardžajuć: čym bolš šalonym budzie koler vierchniaj vopratki, tym lepš.
Doŭhija spadnicy
Mocnaja, niezaležnaja i pry hetym žanockaja. Voś hałoŭny pasył u siońniašnim modnym śviecie ad takich dyzajnieraŭ jak Gabriela Hearst i Calvin Klein. Minułaj vosieńniu, na chvali viartańnia ŭ modu 80-ch, podyumy zapoŭnili fieminisckija vobrazy power woman z kaściumami, u jakija ŭvachodzili štany z žakietami na padplečnikach. U modzie pa-raniejšamu budavać karjeru, načavać za pracoŭnym stałom i nasić palito ŭ kletku, ale voś nahavicy možna zamianić na spadnicu.
Pa materyjałach Dailymail i Bazaar.