Smalavickim rajadździełam Śledčaha kamiteta raspačata kryminalnaja sprava ab chulihanstvie, paviedamlaje sk.gov.by
Padazravanymi pryznanyja siem navučencaŭ. Starejšy ź fihurantaŭ — 17-hadovy liceist, samaja małodšaja — 14-hadovaja vaśmikłaśnica.
Zdareńnie adbyłosia 18 lutaha, niekalki kampanij padletkaŭ znachodzilisia na prypynku paśla viaskovaj dyskateki. Čakajučy aŭtobusa, dzieci stali łamać rukami i nahami paviljon prypynku, paškodziŭšy 16 panelaŭ ź mietałaprofilu. Padletki ź inšaj kampanii nazirali i zdymali videa na mabilny telefon. Kali padjechaŭ aŭtobus, dzieci raźjechalisia pa damach.
Fihuranty ŭstanoŭleny. Śledčyja dziejańni pravodziacca z udziełam ich zakonnych pradstaŭnikoŭ. Vyśviatlajecca pamier naniesienaj škody. Da materyjałaŭ kryminalnaj spravy dałučany videazapis, paviedamlaje pres-słužba SK
