Homielskim haradskim adździełam SK pravodzicca pravierka pa fakcie śmierci traich 20-hadovych mužčyn, znojdzienych u haražy na vulicy Łazurnaj, piša sk.gov.by
23 lutaha kampanija maładych ludziej nakiravałasia ŭ haraž, kab adznačyć śviata. Paśla raśpićcia ałkaholu niekalki čałaviek syšli dadomu, a čaćviora zastalisia ŭ haražy. Dźviery začynili znutry. Kab sahrecca, maładyja ludzi sieli ŭ aŭtamabil i zaviali ruchavik.
U subotu jany pierastali adkazvać na telefonnyja zvanki. U noč na niadzielu ich znajšła siastra adnaho z chłopcaŭ. Rabotniki chutkaj kanstatavali śmierć traich. Jašče adnaho - 19-hadovaha chłopca špitalizavali.
Pavodle papiarednich vysnoŭ ekśpiertaŭ, maładyja ludzi pamierli ad atručvańnia čadnym hazam. Dla ŭstanaŭleńnia dakładnaj pryčyny śmierci pryznačanyja sudova-miedycynskija ekśpiertyzy.
