Palicyja horada Pataja admoviłasia vyzvalić pad zakład Aleksa Leśli (Alaksandra Kiryłava), Naściu Rybku (Anastasiju Vašukievič) i jašče vaśmiarych čałaviek, zatrymanych za praviadzieńnie nielehalnaha «seks-treninhu» ŭ Tajłandzie.
«Načalnik haradskoha adździeła palicyi, ad jakoha zaležała rašeńnie, admoviŭ im. Ciapier pytańnie pra zakład moža vyrašyć tolki sud, i pry hetym mianiajecca status zatrymanych: jany pieratvarajucca ŭ aryštavanych sudom asob, u dačynieńni da jakich pravodzicca śledstva», — raspaviała krynica.
Pavodle jaho słoŭ, sud moža vypuścić ich pad zakład, adnak jaho suma budzie značna vyšejšaja.
«Kali sud dazvolić, to paśla jaho ŭniasieńnia aryštavanyja zmohuć čakać suda na voli, adnak jany nie buduć mieć prava pakidać Tajłand i pavinny buduć kožnyja 12 dzion źjaŭlacca ŭ sud dla padaŭžeńnia zakładu, jaki moža być u luby momant adklikany pa pradstaŭleńni prakuratury abo palicejskaha śledčaha», — padkreśliła krynica.
