Pahladzieła anłajn-tranślacyju pasiadžeńnia arhkamiteta pa praviadzieńni śviatkavańnia 100-hodździa Biełaruskaj Narodnaj Respubliki. Nie zusim zrazumieła, čamu ŭsie pytańni źvialisia da dylemy: śviatočnaja demanstracyja abo kancert u parku. Niejki «stakholmski sindrom» — dumać za ŭładu, prykidvać, što im budzie zručniej.
Udumajciesia: 100 hadoŭ niezaležnaści našaj dziaržavy. Tak, nie atrymałasia nam pakul damahčysia svabody. Tak, nie zmahli my pakul abrać svaju ŭładu. Ale na karcie śvietu jość niezaležnaja dziaržava — Biełaruś. I my z vami datyčnyja da hetaj niezaležnaści, my z vami jaje adstojvajem navat pad dubinkami ciapierašnich uładaŭ. Z časam zavajujem i svabodu. A kolki narodaŭ nam zajzdrościać!
Ja, ščyra kažučy, pa-inšamu ŭjaŭlała sabie abmierkavańnie śviatkavańnia 100-hodździa. Ja dumała havorka budzie vieścisia ab zaprašeńni suśvietnych lidaraŭ u Biełaruś u hetyja dni. Ja b chacieła bačyć Anhiełu Mierkiel u Minsku nie dla tuchłych pasiadžeńniaŭ «minskaj hrupy», a dla ŭdziełu ŭ śviatočnym šeści. Dobra b tam hladzielisia Emaniuel Makron, Andžej Duda, Dala Hrybaŭskajcie, Tereza Mej, Piatro Parašenka, Fiederyka Mahieryni i mnohija inšyja.
A jašče adśviatkavać z nami mahli b zorki ź biełaruskimi karaniami: Charysan Ford, Majkł Duhłas, Skarlet Jochansan.
Nie mohuć biełaruskija muzyki — zaprašajem Paŭla Łandersa z usim jaho Rammstein, abo karala sierf-hitary Dzika Dejła, abo narviežskaha Rybaka. Chaj uspomnić svaje karani.
Paprasić francuzaŭ pryvieźci Šahała, chaj nie ŭ sakaviku — kali zmoža.
Arhanizavać vystavy Lonika Tarasieviča, Alaksandra Rodzina, Barysa Zaborava i Uładzimira Ceślera pad akampaniemient Andreja Makareviča.
Dy ŭ kožnym horadzie možna arhanizavać śviata, cikaviejšaje za staličnaje. Hienijaŭ na biełaruskaj ziamli chapaje.
A jašče Huhł z Fejsbukam mahli b vizualna adznačyć naš jubilej.
Niejak mnie zdavałasia, što voś taki maštab mierapryjemstva varta abmiarkoŭvać.
Skažacie — fantastyka, dy i hrošaj niama. Dyk my ž prapanujem ŭładam razam śviatkavać, hodna. Mienavita takoha ŭzroŭniu zasłuhoŭvaje hetaja vialikaja data. Tady i hrošy znojducca.
U 2018 hodzie śviatkujuć 100-hodździe niezaležnaści mnohija krainy Uschodniaj Jeŭropy — Polšča, Litva, Łatvija, Čechija, Słavakija, Hruzija, Ukraina, Estonija. Heta adbyvajecca maštabna, jarka, hodna. Heta bačyć uvieś śviet. I heta nie abmiažoŭvajecca adnym dniom.
Byŭ by ŭ nas taki scenar, pytańnie ab aharodžach i abmiežavańniach adpała b samo pa sabie.
Dy i zaraz jašče nie pozna.
Jak by tam ni było, ja dakładna viedaju, što kali apazicyja ciapier nie prahniecca, a budzie na pieramovach z uładaj nastojvać na praviadzieńni vialikaj śviatočnaj demanstracyi ŭ centry Minska razam sa śviatočnym kancertam, to śviatkavańnie 100-hodździa Biełaruskaj Narodnaj Respubliki budzie hodnym.
I nie soramna budzie pierad prodkami, jakija 100 hadoŭ tamu, realna ryzykujučy žyćciom, znajšli ŭ sabie mužnaść i siły abviaścić niezaležnaść našaj z vami krainy.
Kab ludźmi zvacca.
