Telekam-apieratar velcom zapuskaje novuju ličbavuju TB-płatformu pad brendam VOKA dla abanientaŭ fiksavanaj sietki. Hledačoŭ čakaje novy sučasny interfejs, a taksama jašče bolšy vybar kantentu i dadatkovyja funkcyi, takija jak profili karystalnikaŭ, hnutki baćkoŭski kantrol.
Adrazu paśla abnaŭleńnia karystalniki atrymajuć dadatak z novym interfejsam, a krychu paźniej — dostup da anłajn-kinateatraŭ Megogo i «Amiedyjateka» z papularnymi sieryjałami ad HBO, Fox, Showtime, Starz i BBC.
Novaja płatforma VOKA zachavała hałoŭnuju pieravahu IPTV (płatforma «Atłant-Telekama», jaki ŭvajšoŭ u skład velcom) — vialiki vybar kantentu. Tak, śpis telekanałaŭ pašyryŭsia da 114 kanałaŭ, 24 ź jakich viaščajuć u HD-jakaści. Uviesnu ŭ dadatku źjavicca mahčymaść prahladu premium-kantentu ad viadučych kinastudyj. A voś isnujučyja biblijateki filmaŭ i sieryjałaŭ zastanucca biaspłatnymi.
Cikava, što interfejs VOKA dastupny taksama na anhlijskaj movie, a ŭ budučyni dadatak «zahavoryć» i pa-biełarusku.