Kiraŭnik krainy siońnia zasłuchoŭvaje spravazdaču ŭrada, Nacyjanalnaha banka, abłvykankamaŭ i Minskaha harvykankama ab vynikach pracy ekanomiki za 2017 hod i zadačach pa zabieśpiačeńni ŭstojlivaha ekanamičnaha rostu.
Jon, u pryvatnaści, źviarnuŭ uvahu, što, na dumku niekatorych słužbovych asobaŭ, cudu pakul nie adbyłosia — na palapšeńni ekanamičnaj situacyi ŭ krainie adbilisia padrosłyja ceny na naftu i ažyŭleńnie popytu ŭ Rasii.
«Siońnia ja mienš za ŭsio chacieŭ by ŭnikać u roznaha rodu ličbavyja vynachodstvy. Infarmacyja, jakaja da mianie pastupaje, kaža tym, što ludzi palapšeńniaŭ pakul nie adčuvajuć. Pałova žycharoŭ krainy ličyć, što ŭ 2017 hodzie sacyjalna-ekanamičnaja situacyja praciahnuła paharšacca, kala 40% — źmien nie zaŭvažyli. zrazumieła, što heta sacyjałahičnaje apytańnie, zrazumieła, što heta zaležyć ad nastrojaŭ, ale sacyjałahičnyja apytańni supastaŭnyja, i my paraŭnoŭvajem ich. Pry hetym členy ŭrada, miascovyja orhany ŭłady zachapilisia inšym — pakazčykami i ich dasiahnieńniem. Ličba stała važniej za sutnaść. Takija padychody — heta rašeńni adnaho dnia, i ludziam ad hetaha lepš nie stanie», — pieradaje słovy kiraŭnika krainy jaho pres-słužba.
