Jak biespamyłkova trapić u miescy źviazanyja z abviaščeńniem BNR, abo na mahiłu Ramana Skirmunta na Paleśsi ci Mikoły Abramčyka ŭ Paryžy? Pomnik słuckim paŭstancam u Niamieččynie abo budynak u Miensku, dzie abviaścili niezaležnaść BNR? U hetym dapamoža histaryčnaja mapa na bazie GoogleMaps, jakuju stvaryŭ mienski błohier.
Alšanskija mohiłki ŭ Prazie. Ajciec Andrej Abłamiejka.
Na mapie Maksima Laško da 100-hodździa abviaščeńnia niezaležnaści Biełaruskaj Narodnaj Respubliki bolš za 60 kropak, adznačaje Dźmitry Hurnievič na sajcie Radyjo Svaboda.
Huhłaŭskaja mapa pracuje i ŭ jakaści aplikacyi na smartfonach. Zadaŭšy joj zychodny punkt možna biesprablemna trapić u abranaje miesca. Sam stvaralnik mapy kaža, što nanios amal usie pamiatnyja miescy, źviazanyja z BNR i jaje dziejačami.
«Kab kožny moh samastojna paŭdzielničać u śviatkavańni, asabliva kali jon nia ŭ Miensku. Hetych kropak, viadoma, značna bolš, ale ja dadaŭ samyja važnyja», — havoryć Laško.
Aŭtar mapy prapanuje dasyłać jamu prapanovy važnych abjektaŭ, jakija varta na jaje ŭnieści. Pisać paviedamleńni jon prapanuje praz Tvitar abo Fejsbuk.
