Kancler Niamieččyny Anhieła Mierkiel nie ličyć, što słovy nacyjanalnaha himna varta pryvodzić u adpaviednaść z pryncypami hiendarnaha niejtralitetu. Pra heta paviedamiŭ u paniadziełak na bryfinhu ŭ Bierlinie aficyjny pradstaŭnik kabinieta ministraŭ FRH Štefien Zajbiert.
«Ad imia kanclera ja mahu skazać, što jana vielmi zadavolenaja himnam u tym vyhladzie, u jakim jon zaraz, jaho tradycyjnaj formaj. Jana nie bačyć patreby ŭnosić źmieny», — skazaŭ Zajbiert.
Raniej upaŭnavažany pa pytańniach raŭnapraŭja połu ŭ niamieckim Kabiniecie sacyjał-demakrat Kryścin Roche-Miorynh zaklikała ŭnieści źmieny ŭ nacyjanalny himn Niamieččyny, kab zrabić jaho hiendarna niejtralnym. Jana prapanavała zamianić nazoŭnik «baćkaŭščyna» słovam «radzima» (heimatland zamiest vaterland), a prysłoŭje «pa-bratersku» pamianiać na «śmieła» (couragiert zamiest bruederlich). Čynoŭnica pakazała na stanoŭčy, na jaje pohlad, dośvied Aŭstryi i Kanady, dzie niadaŭna słovy himna źmianili dziela raŭnapraŭja połu.
