Prezident ZŠA apuściŭsia na 766-je miesca ŭ rejtynhu najbahaciejšych ludziej śvietu ad Forbes, straciŭšy bolš za 200 pazicyj.
Bahaćcie Donalda Trampa za apošni hod pamienšyłasia na $400 miljonaŭ i składaje ciapier $3,1 miljarda (hodam raniej było $3,5 miljarda), vynikaje z padlikaŭ ekśpiertaŭ časopisa Forbes.
Tramp pa-raniejšamu zastajecca samym bahatym prezidentam u historyi ZŠA, adnak u śpisie najbahaciejšych ludziej krainy jon nie ŭvachodzić ciapier navat u top-250, a ŭ suśvietnym rejtynhu jon apuściŭsia na 766-je miesca, straciŭšy za hod 222 pazicyi (zajmaŭ 544-je miesca).
Asnoŭnaj pryčynaj skaračeńnia bahaćcia Trampa ekśpierty Forbes nazyvajuć padzieńnie koštu nieruchomaści, jakaja naležyć jamu, u Ńju-Jorku, u pieršuju čarhu handlovych centraŭ. Aktyvizacyja internet-handlu ŭsio macniej skaračaje dachody afłajn-retejleraŭ, jakija vymušanyja skaračać vydatki na arendu.
