Kiraŭnik MZS Vialikabrytanii, vystupajučy ŭ parłamiencie, pahadziŭsia z remarkaj lejbarysta Ajana Ościna, jaki zajaviŭ, što Čempijanat śvietu pa futbole, jaki projdzie ŭ Rasii letam 2018 hoda, nahadaŭ jamu pra Alimpijadu 1936 hoda, jakaja prachodziła ŭ Hiermanii.
Na dumku Ościna, u 1936 hodu Adolf Hitler vykarystaŭ Alimpijadu dla taho, kab palepšyć imidž krainy. Hetaja anałohija žachaje jaho, adznačyŭ Ościn.
«Ščyra kažučy, ja liču, što Anhlija nie pavinna brać udzieł ŭ čempijanacie śvietu», — zajaviŭ Ościn. Pavodle jaho słoŭ, nie treba «padtrymlivać Pucina, jaki vykarystoŭvaje [ČS-2018] u jakaści PR-chodu dla maskiroŭki parušeńniaŭ pravoŭ čałavieka», — dadaŭ lejbaryst.
U adkaz Barys Džonsan zajaviŭ, što paraŭnańnie ČS-2018 z «Alimpijadaj 1936 hady, biezumoŭna, pravilnaje». «Heta vyklikaje młosnaść pierśpiektyva, dumać, što Pucin vykarystoŭvaje spartyŭnuju padzieju dla taho, kab prasłavicca», — skazaŭ Džonsan, adznačyŭšy, što jon «šmat dumaŭ» pra heta. Adnak, pavodle jaho słoŭ, było b niapravilna karać za heta brytanskich zaŭziataraŭ abo kamandu. Nieabchodna abmierkavać z Maskvoj pytańnie biaśpieki brytanskich hramadzian, reziumavaŭ jon.
Džonsan taksama zajaviŭ, što Pucin imkniecca «stvarać prablemy» dzie mahčyma, tamu što žadaje pakazać hramadzianam svajoj krainy, što paśla raspadu Savieckaha sajuza Rasija znoŭ mocnaja.
Džonsan taksama zajaviŭ, što nie ličyć Pucina demakratyčna abranym prezidentam Rasii. Pavodle jaho słoŭ, naziralniki na vybarach prezidenta Rasii ad ABSIE adznačali, što ŭ Pucina niama realnych kankurentaŭ, a heta abiasceńvaje jaho vysoki vynik.
