Kiraŭnik kamiteta pa adpaviednaści Suśvietnaha antydopinhavaha ahienctva (WADA) Džonatan Tejłar raspavioŭ ab novych mierach arhanizacyi ŭ adnosinach da rasijskaha sportu, paviedamlaje Lenta.ru.
«Rasija praviadzie tyja spabornictvy, jakija jana ŭžo atrymała. Što tyčycca novych turniraŭ, to novyja praviły adpaviednaści nie ŭnosiać nijakich źmien. My budziem rabić usio mahčymaje, kab Rasija ich nie atrymała. Ale, jak i pry biahučych praviłach, całkam vyklučać atrymańnia Rasijaj mižnarodnych startaŭ u budučyni nielha», — zajaviŭ Tejłar.
WADA admoviłasia adnaŭlać u pravach RUSADA ŭ listapadzie 2017 hoda. Pieraškodami ŭ adnaŭleńni RUSADA źjaŭlajucca niepryznańnie rasijskim bokam funkcyjanavańnia dziaržaŭnaj dopinhavaj sistemy padčas Alimpijady ŭ Sočy i admova ŭ vydačy probaŭ z Hulniaŭ-2014, jakija zachoŭvajucca ŭ Maskoŭskaj antydopinhavaj łabaratoryi. Dziejnaść rasijskaj arhanizacyi była prypynienaja ŭ listapadzie 2015 hoda.
