Rekamiendacyi dla ŭdzielnikaŭ śviatkavańnia 100-hodździa abviaščeńnia niezaležnaści BNR vykłaŭ u svaim fejsbuku adzin z arhanizataraŭ Eduard Palčys.
«Usiu nacyjanalnuju simvoliku (BČB, Pahonia, BNR i h.d.) možna i treba brać. Vudy taksama. Ale niejkija ciažkija pałki, abo fłahštoki, jakimi možna nanieści kalectva - nie biarycie.
— lepš nie jechać na svaim aŭto, bo parkovak u centry zaŭsiody zamała i nie chapaje.
— parkoŭka dla invalidaŭ-kalasačnikaŭ na ŭčastku vulicy Čyčeryna.
— termasy brać nielha, z-za antyterarystyčnaj biaśpieki. Ałkahol taksama nielha. Budzie pracavać fud-kort, tam možna budzie i vypić harbaty, i sahrecca. Vadkaści pranosić u prazrystych butelkach, i pažadana nie bolš za 0,5 litraŭ.
— nadhlad budzie pa palehčanaj prahramie, jak i na ŭsich padobnych śviatočnych mierapryjemstvach.
— pa hazonach chadzić možna.
— budzie dziciačaja placoŭka.
— vučycie teksty asnoŭnych nacyjanalnych himnaŭ, asabliva: «My vyjdziem ščylnymi radami», «Mahutny Boža», «Pahonia».
Ad siabie dadam, što jašče ŭvažliva hladzicie na nadvorje, kab apranucca takim čynam, kab nie źmierznuć raniej času».
