Administracyjnyja spravy zatrymanych 25 sakavika ŭ Minsku aktyvistaŭ, vałancioraŭ, pravaabaroncaŭ i prosta hramadzian mielisia siońnia razhladacca z 12 hadzin u sudzie Savieckaha rajona Minska.
Pa źviestkach pravaabaroncaŭ, składziena bolš za dziasiatak pratakołaŭ pravaparušeńniaŭ pa art. 23.34 KaAP (udzieł u niesankcyjanavanym masavym mierapryjemstvie). Niekalki čałaviek abvinavacili ŭ niepadparadkavańni słužbovaj asobie pa art. 23.4 kaAP.
Pratakoły składzieny na vałancioraŭ-naziralnikaŭ Maksima Kavalova, Taćcianu Mastykinu, Andrusia Krečku, Ihara Bahačova, Nastu Łojka.
Sudy taksama čakali hramadskich aktyvistaŭ Siarhieja Sparyša, Valancina Trockaha, Alenu Tałstuju, Volhu Nikałajčyk (sud Partyzanskaha rajona), Valeryja Byčkoŭskaha, Artura Žurava, Halinu Ciarenćjevu, ajca Vikiencija.
Adnak sakratar suda Savieckaha rajona Minska Anastasija Juškievič abvieściła, što sudoŭ siońnia nie budzie. Pryčynaŭ takoha rašeńnia nie patłumačyli i novaj daty nie nazvali. «Pa ŭsich pytańniach telefanujcie ŭ RUUS», — adznačyła jana, paviedamlaje spring96.org.
