U litoŭskaj stalicy ŭ hetyja dni adznačajecca stahodździe dziaržaŭnaści Biełarusi. 24 sakavika adbyłosia śviatočnaje šeście ŭ Starym horadzie, adkryćcio «vulicy Połackaj», a taksama śviatočny biełaruska-litoŭski kancert, piša Delfi.
U subotu adbyłosia śviatočnaje šeście ad vulicy Totoro da Užupisa i adkryćcio šyldy ź biełaruskaj nazvaj vulicy Połacka. Taksama była adkryta vystava fotazdymkaŭ, a ŭviečary adbyŭsia śviatočny kancert. U niadzielu, 25 sakavika, ušanujuć pamiać dziejačaŭ Biełaruskaj Narodnaj Respubliki na mohiłkach Rasu ŭ Vilni i ŭ kaściole Sv. Bartałamieja. Uviečary taho ž dnia ŭ staličnaj ratušy adbudziecca ŭračysty pryjom.
Fota: Delfi.
Fota: Delfi.
Fota: Delfi.
Fota: Delfi.
Śviatkavańni 100-hadovaha jubileju arhanizavany sumiesnymi vysiłkami Biełaruskaha doma pravoŭ čałavieka imia B.Zvazskova, hramadzianskaj kampanijaj «Jeŭrapiejskaja Biełaruś», moładzievaj asacyjacyi StudAlliance, tavarystva biełaruskaj kultury ŭ Litvie, studenckim pradstaŭnictvam Jeŭrapiejskaha humanitarnaha ŭniviersiteta, a taksama biełaruskimi i litoŭskimi hramadskimi dziejačami, pry padtrymcy Vilniuskaha haradskoha samakiravańnia, Siejma Litoŭskaj Respubliki i Centra Uschodnie-Jeŭrapiejskich daśledavańniaŭ (EESC).
